Hanuman Chalisa | Description in Devnagri Script (Hindi) | Description in Latin Script (English)

Hanuman Chalisa
Hanuman Aarti , Bajrang BaanHanuman Chalisa , Hanuman Ashtak 
हनुमान चालीसा Hanuman Chalisa
Description in Devnagri Script (Hindi)  Description in Latin Script (English)
श्रीगुरु चरन सरोज रज, निजमनु मुकुरु सुधारि | shreeguru charan saroj raj, nijamanu mukuru sudhaari |
बरनउँ रघुबर बिमल जसु, जो दायकु फल चारि ||दोहा|| barnaun raghubar bimal jasu, jo daayaku phal chaari ||Doha||
बुद्धिहीन तनु जानिके, सुमिरौं पवन-कुमार | buddhiheen tanu jaanike, sumiraun pavan-kumaar |
बल बुधि बिद्या देहु मोहिं, हरहु कलेस बिकार ||दोहा|| bal budhi bidya dehu mohin, harahu kales bikaar ||Doha||
जय हनुमान ज्ञान गुन सागर, जय कपीस तिहुँ लोक उजागर |1|| jay hanumaan gyaan gun saagar, jay kapees tihun lok ujaagar |1||
राम दूत अतुलित बल धामा, अंजनि-पुत्र पवनसुत नामा |2|| raam doot atulit bal dhaama, anjani-putr pavanasut naama |2||
महाबीर बिक्रम बजरंगी, कुमति निवार सुमति के संगी |3|| mahaabeer bikram bajarangee, kumati nivaar sumati ke sangee |3||
कंचन बरन बिराज सुबेसा, कानन कुण्डल कुँचित केसा |4|| kanchan baran biraaj subesa, kaanan kundal kunchit kesa |4||
हाथ बज्र औ ध्वजा बिराजे, काँधे मूँज जनेउ साजे |5|| haath bajr au dhvaja biraaje, kaandhe moonj janeu saaje |5||
शंकर सुवन केसरी नंदन, तेज प्रताप महा जग वंदन |6|| shankar suvan kesaree nandan, tej prataap maha jag vandan |6||
बिद्यावान गुनी अति चातुर, राम काज करिबे को आतुर |7|| bidyaavaan gunee ati chaatur, raam kaaj karibe ko aatur |7||
प्रभु चरित्र सुनिबे को रसिया, राम लखन सीता मन बसिया |8|| prabhu charitr sunibe ko rasiya, raam lakhan seeta man basiya |8||
सूक्ष्म रूप धरि सियहिं दिखावा, बिकट रूप धरि लंक जरावा |9|| sookshm roop dhari siyahin dikhaava, bikat roop dhari lank jaraava |9||
भीम रूप धरि असुर सँहारे, रामचन्द्र के काज सँवारे |10|| bheem roop dhari asur sanhaare, raamachandr ke kaaj sanvaare |10||
लाय सजीवन लखन जियाये, श्री रघुबीर हरषि उर लाये |11|| laay sajeevan lakhan jiyaaye, shree raghubeer harashi ur laaye |11||
रघुपति कीन्ही बहुत बड़ाई, तुम मम प्रिय भरतहिं सम भाई |12|| raghupati keenhee bahut badaee, tum mam priy bharatahi sam bhaee |12||
सहस बदन तुम्हरो जस गावैं, अस कहि श्रीपति कण्ठ लगावैं |13|| sahas badan tumharo jas gaavain, as kahi shreepati kanth lagaavain |13||
सनकादिक ब्रह्मादि मुनीसा, नारद सारद सहित अहीसा |14|| sanakaadik brahmaadi muneesa, naarad saarad sahit aheesa |14||
जम कुबेर दिगपाल जहाँ ते, कबि कोबिद कहि सके कहाँ ते |15|| jam kuber digpaal jahaan te, kabi kobid kahi sake kahaan te |15||
तुम उपकार सुग्रीवहिं कीन्हा, राम मिलाय राज पद दीन्हा |16|| tum upkaar sugreevahin keenha, raam milaay raaj pad deenha |16||
तुम्हरो मंत्र बिभीषन माना, लंकेश्वर भए सब जग जाना |17|| tumharo mantr bibheeshan maana, lankeshvar bhae sab jag jaana |17||
जुग सहस्र जोजन पर भानु, लील्यो ताहि मधुर फल जानू |18|| jug sahasr jojan par bhaanu, leelyo taahi madhur phal jaanoo |18||
प्रभु मुद्रिका मेलि मुख माहीं, जलधि लाँघि गये अचरज नाहीं |19|| prabhu mudrika meli mukh maaheen, jaladhi laanghi gaye acharaj naaheen |19||
दुर्गम काज जगत के जेते, सुगम अनुग्रह तुम्हरे तेते |20|| durgam kaaj jagat ke jete, sugam anugrah tumhare tete |20||
राम दुआरे तुम रखवारे, होत न आज्ञा बिनु पैसारे |21|| raam duaare tum rakhavaare, hot na aagya binu paisaare |21||
सब सुख लहैं तुम्हारी सरना, तुम रच्छक काहू को डर ना |22|| sab sukh lahen tumhaaree sarana, tum rachchhak kaahoo ko dar na |22||
आपन तेज सम्हारो आपै, तीनों लोक हाँक तें काँपै |23|| aapan tej samhaaro aapai, teenon lok haank ten kaanpai |23||
भूत पिसाच निकट नहिं आवै, महाबीर जब नाम सुनावै |24|| bhoot pisaach nikat nahin aavai, mahaabeer jab naam sunaavai |24||
नासै रोग हरे सब पीरा, जपत निरन्तर हनुमत बीरा |25|| naasai rog hare sab peera, japat nirantar hanumat beera |25||
संकट तें हनुमान छुड़ावै, मन क्रम बचन ध्यान जो लावै |26|| sankat ten hanumaan chhudaavai, man kram bachan dhyaan jo laavai |26||
सब पर राम तपस्वी राजा, तिन के काज सकल तुम साजा |27|| sab par raam tapasvee raaja, tin ke kaaj sakal tum saaja |27||
और मनोरथ जो कोई लावै, सोई अमित जीवन फल पावै |28|| aur manorath jo koee laavai, soee amit jeevan phal paavai |28||
चारों जुग परताप तुम्हारा, है परसिद्ध जगत उजियारा |29|| chaaron jug parataap tumhaara, hai parasiddh jagat ujiyaara |29||
साधु सन्त के तुम रखवारे, असुर निकन्दन राम दुलारे |30|| saadhu sant ke tum rakhavaare, asur nikandan raam dulaare |30||
अष्टसिद्धि नौ निधि के दाता, अस बर दीन जानकी माता |31|| ashtasiddhi nau nidhi ke daata, as bar deen jaanakee maata |31||
राम रसायन तुम्हरे पासा, सदा रहो रघुपति के दासा |32|| raam rasaayan tumhare paasa, sada raho raghupati ke daasa |32||
तुह्मरे भजन राम को पावै, जनम जनम के दुख बिसरावै |33|| tuhmare bhajan raam ko paavai, janam janam ke dukh bisaraavai |33||
अन्त काल रघुबर पुर जाई, जहाँ जन्म हरिभक्त कहाई |34|| ant kaal raghubar pur jaee, jahaan janm haribhakt kahaee |34||
और देवता चित्त न धरई, हनुमत सेइ सर्ब सुख करई |35|| aur devata chitt na dharee, hanumat sei sarb sukh karee |35||
संकट कटै मिटै सब पीरा, जो सुमिरै हनुमत बलबीरा |36|| sankat katai mitai sab peera, jo sumirai hanumat balabeera |36||
जय जय जय हनुमान गोसाईं, कृपा करहु गुरुदेव की नाईं |37|| jay jay jay hanumaan gosaeen, kripa karahu gurudev kee naeen |37||
जो सत बार पाठ कर कोई, छूटहि बन्दि महा सुख होई |38|| jo shat baar paath kar koee, chhootahi bandi maha sukh hoee |38||
जो यह पढ़ै हनुमान चालीसा, होय सिद्धि साखी गौरीसा |39|| jo yeh padhai hanumaan chaaleesa, hoy siddhi saakhee gaureesa |39||
तुलसीदास सदा हरि चेरा, कीजै नाथ हृदय महँ डेरा |40|| tulaseedaas sada hari chera, keejai naath hriday mahen dera |40||
पवनतनय संकट हरन, मंगल मूरति रूप | pavanatanay sankat haran, mangal moorati roop |
राम लखन सीता सहित, हृदय बसहु सुर भूप ||दोहा|| raam lakhan seeta sahit, hriday basahu sur bhoop ||Doha||

 

Hanuman Aarti | Description in Devnagri Script (Hindi) | Description in Latin Script (English)

Hanuman Ashtak | Description in Devnagri Script (Hindi) | Description in Latin Script (English)

Bajrang Baan | Description in Devnagri Script (Hindi) | Description in Latin Script (English)

Hanuman Chalisa | Description in Devnagri Script (Hindi) | Description in Latin Script (English)

Leave a Reply

Your email address will not be published. Required fields are marked *